இலங்கையில் பாதிக்கப்படக்கூடிய சமூகங்களின் நிலையான வளர்ச்சிக்காக, புலம்பெயர்ந்தோரின் தொழில்நுட்ப திறன்கள் மற்றும் அறிவைப் பயன்படுத்துவதற்கு அர்ப்பணிப்புடன் உள்ள புலம்பெயர் தன்னார்வலர்களின் உலகளாவிய வலையமைப்பான Comdu.it அமைப்பில் இருந்து நூலக நிறுவனத்தின் யாழ் அலுவலகத்தைப் பார்வையிடுவதற்காக “ராஜா நிஷாந்த்” அவர்கள் 09.08.2022 அன்று வருகை தந்திருந்தார்.
அவர் நிறுவனம் சார்ந்த செயற்பாடுகளினை நேரடியாகப் பார்வையிட்டதுடன் நூலக நிறுவனத்திற்கு இரு வன் தட்டுக்களையும் அன்பளிப்பாக வழங்கியிருந்தார்
நூலக நிறுவனம் சார்பில் நூலக ஆளுகைச் சபை அங்கத்தவர் த. சுஜீவன், பிரதம நிறைவேற்று அலுவலகர் றஞ்சுதமலர் நந்தகுமார், நிகழ்ச்சித்திட்ட முகாமையாளர் சோபனா ரவிச்சந்திரன், ஆய்வு துறைத் தலைவர் இராமையா அழகுராஜா, பல்லூடகத் தயாரிப்புகள் மற்றும் ஆவணப்படுத்தல் துறைத் தலைவர் சூரியகுமார் சூரியபதி, ம. லக்சன் மற்றும் சி. சிவகஜன் ஆகியோர் இச்சந்திப்பில் பங்கு கொண்டனர்.
